Барилга, үл хөдлөх хөрөнгийн салбарын дээд шагнал гардуулах “Mongolian Property Awards 2024” тав дахь удаагийн ёслолын арга хэмжээ 12-р сарын 26-ны өдөр зохион байгуулагдаж, салбарын шилдгүүдээ шалгарууллаа.
Энэ удаагийн шагнал гардуулах ёслолд "Монкон Констракшн"-ийн бүтээн байгуулсан "Мандала Гарден" болон "365 Мандала Тауэр" төслүүд амжилттай оролцож, нийт 4 номинацид шилдгээр шалгарч, манай төслүүд барилга бүтээцийн шийдэл, чанараараа салбартаа манлайллаа.
"Мандала Гарден" төсөл:
- Шилдэг бүтээн байгуулалт
- Шилдэг орон сууцны архитектур дизайн
"365 Мандала Тауэр" төсөл:
- Шилдэг орон сууц
- Шилдэг өндөр бүтээн байгуулалт
Бид "Мандала Гарден" цогцолбор хорооллыг жижиг хэмжээний хот төлөвлөлттэй дүйцэхээр хэмжээнд бүтээн байгуулахыг зорьж, хүний хэрэгцээт үйлчилгээний төвүүд, сургууль, цэцэрлэг ойр мөн оршин суугчдынхаа ая тухыг хангахын тулд хотхондоо zoo, water, forest концепц бүхий гадаад талбайн зохион байгуулалт, хотхондоо автомашингүй, гүүрэн гарц зэргийг төлөвлөн бүтээн байгуулсаар байна. Хотхоны архитектур дизайны хувьд сэнсэн хэлбэрийн өвөрмөц дизайн бүхий дэвшилтэт технологи, эрчим хүчний хэмнэлттэй шийдлүүдийг амжилттай нэвтрүүлсэн гэдгээрээ онцлог, цогц төлөвлөлттэй хотхон юм.
"365 Мандала Тауэр" нь хотын үнэ цэнтэй байршилд "360 Мандала Тауэр"-тэй зэрэгцэн 108м өндөр, 25 давхар хос цамхаг бүхий Испани архитектур, Монгол инженерийн ур ухаан шингэсэн чанар болоод гоо зүйн хослолоор их хотдоо өнгө үзэмж, шинэ өнгө төрхийг бүрдүүлэн сүндэрлэж байна.
"Mongolian Property Awards" нь Монголын барилга, үл хөдлөх хөрөнгийн салбарын шилдэг бүтээн байгуулагчид болон бүтээн байгуулалтуудыг алдаршуулах зорилготой бөгөөд хараат бус бие даасан шүүгчдийн бүрэлдэхүүнтэйгээр баталсан журам, шалгуур үзүүлэлтүүдийн дагуу номинаци тус бүрийн ялагчдыг тодруулдгаараа онцлогтой арга хэмжээ юм.
