Монголын барилгын салбарын хөгжлийг олон улсын түвшинд хүргэх зорилготой ажилладаг Монкон констракшн ХХК нь Монгол улсын засгийн газрын захиалга, Азийн хөгжлийн банкны санхүүжилтээр Сэлэнгэ аймгийн “Алтанбулаг хилийн боомтын өргөтгөл шинэчлэлийн ажлын" барилга угсралтын ажлыг 2020 оноос эхлэн 2025 оны 7 сар хүртэл нийтдээ 135 ажилчдын бүрэлдэхүүнтэйгээр амжилттай гүйцэтгэж, улсын комисст хүлээлгэн өглөө.
Уг төсөл нь 7.73га талбайг хамрах нийт 34 барилга байгууламжаас бүрдэх ба үндсэн 2 хэсгээс бүрдэнэ.
- Ачаа тээврийн хэсэг: 3.76га 18 ширхэг барилга байгууламж
- Зорчигч тээврийн хэсэг: 3.37га 19 ширхэг барилга байгууламж
- Дэд бүтцийн 5 барилга байгууламж
- Гадна тохижилт 6900м2 талбай
- Гадна инженерийн шугам сүлжээний ажлын хүрээнд бохир усны шугам 1379м, цэвэр усны шугам 1085м, дулааны шугам 1684м Гадна цахилгаан 6277м /0,4кв/, 750м /6кв/ кабель шугам, 66квт чадалтай нарны цахилгаан станцыг тус тус барьсан.
Төслийн эхний ээлжийг 2023 оны 9 дүгээр сард, эцсийн шатны ажлыг 2025 оны 6 дугаар сард бүрэн дуусган улсын комисст хүлээлгэж өгснөөр Алтанбулаг хилийн боомтын үйл ажиллагаа өдөрт нэвтрэх зорчигчийн тоо 3 дахин, ачааны болон суудлын автомашины тоо 4 дахин нэмэгдэж, зорчигч тээврийн хэрэгсэл хилийн боомтоор түргэн шуурхай нэвтрэх, иргэд ая тухтай үйлчлүүлэх боломжтой боллоо.
Алтанбулаг хилийн боомтын өргөтгөл, шинэчлэлтийн ажлыг амжилттай хэрэгжүүлсэн Монкон Констракшн ХХК-ийн бүтээн байгуулагч баг хамт олонд халуун баяр хүргэе.
